Зүүн азийн залуучуудын наадамд Дорнод аймгаас 10 тамирчин оролцож байна

11 сар

Монгол Улсын нийслэл Улаанбаатар хотноо 2023 оны 08 дугаар сарын 16-23-ны өдрүүдэд анх удаа зохион байгуулагдаж буй “Улаанбаатар 2023” Зүүн Азийн Залуучуудын наадамд Дорнод аймгаас спортын 4 төрөлд, 10 тамирчин оролцож байна.

Үүнд:

Хөлбөмбөгийн төрөлд: 18 насны эрэгтэй, эмэгтэй шигшээ багуудад Хэрлэн сумын 5 дугаар сургуулийн сурагч Ганхуягийн Оюунбадрах, Отгонжаргал (ихрүүд) нар,

Волейболын төрөлд: U-17 насны шигшээ багт Хэрлэн сумын 1 дүгээр сургуулийн сурагч Ёлын Хүрэлтулга (U-17насны шигшээ багийн ахлагч), “Цонжин боардинг” сургуулийн сурагч Сүхбаатарын Мөнхжин (шигшээ багийн холбон тоглогч) нар,

Сагсан бөмбөгийн төрөлд: Хэрлэн сумын 12 дугаар сургуулийн сурагч Энхнарангийн Шинэтуяа,

Хөнгөн атлетикийн төрөлд: Хэрлэн сумын 1 дүгээр сургуулийн Ганбатын Амина, 12 дугаар сургуулийн сурагч Хилчингийн Уранжаргал, 5 дугаар сургуулийн сурагч Бат-Эрдэнийн Оюунзул, 8 дугаар сургуулийн Мөнхбатын Бүжин, Баян-Уул сумын Ерөнхий боловсролын сургуулийн сурагч Энхтөрийн Чингүн нар тус тус оролцож байгаа юм.

“УЛААНБААТАР-2023” Зүүн Азийн Залуучуудын наадамд Дорнод аймгаа төлөөлөн оролцож байгаа тамирчиддаа баяр хүргээд спортын өндөр амжилт хүсье.