ДОРНОД АЙМГИЙН УДИРДАХ АЖИЛТНУУДЫН

ШУУРХАЙ ХУРАЛДААНЫ ТЭМДЭГЛЭЛЭЭС

2010оны 08 сарын 02-ны өдөр Дугаар 16 Чойбалсан

Аймгийн төр захиргааны болон төрийн өмчит аж ахуйн нэгж байгууллагуудын удирдах ажилтны 2010 оны 08 дүгээр сарын 02-ны өдрийн хуралдааны тэмдэглэлд:

Нэг. Аймгийн Засаг даргын Тамгын газрын дарга П.Бат-Өлзий цаг үеийн мэдээлэлтэй танилцаж дараах үүрэг даалгаврыг өгөв. Үүнд:

1.1.Өвөлжилтийн бэлтгэлийг хангуулах үүднээс агентлаг, сумдын Засаг дарга нар

2010 оны 09 дүгээр сарын 01-н гэхэд ээлжийн амралтаа амарч дуусгах хэрэгтэй. Төрийн үйлчилгээг иргэдэд түргэн шуурхай хүргэх үүднээс төрийн албан хаагчдийн амралтыг зохицуулах, заасан хугацаанаас хэтрүүлэхгүй байх

1.2. Агентлаг, сумдыг хуваарилсан хуваарийн дагуу өөрсдийн шиф сумдтай

хамтран өвөлжилтийн бэлтгэл хангуулан ажиллах төлөвлөгөөг шинэчлэн батлуулахыг нийт агентлаг, сумдын Засаг дарга нарт даалгав гэжээ.

Хоёр. Аймгийн Засаг дарга Ц.Жанлав өвөлжилтийн бэлтгэл хангах болон зарим хөрөнгө оруулалт, бүтээн байгуулалтын ажлыг эрчимжүүлэх талаар дараах үүрэг даалгаврыг өгөв.Үүнд:

2.1. Хэрлэн сумын хэмжээнд өвөлжилтийн бэлтгэл хангуулах ажилд төсөвт байгууллагууд болон иргэдийн оролцоог түшиглэх, мөн албан байгууллага болон нийтийн эзэмшлийн зам талбайд ургасан өвс, ургамалыг хадан авч нөөц бүрдүүлэх

2.2. Хотын төв зам дагуу байрлах гэр хороололын айл өрх, албан байгууллагуудын гаднах хашаа, хайсыг ижил өнгөөр будах, шинэчлэх ажлыг үр дүнтэй зохион байгуулах

2.3. Хотын ойр орчим болон хотын өнгө үзэмжид сөрөгөөр нөлөөлж байгаа хуучин нуранги, балгасыг цэвэрлэх, хогийг зайлуулах, эзэнтэй болгох

2.4. Хуучин барилгын нурангийг цэвэрлэхтэй холбоотой хийгдэх хөрөнгө санхүүгийн төсөв, төлөвлөгөөг боловсруулан танилцуулж аймгийн Иргэдийн Төлөөлөгчдийн хурлаар оруулж батлуулах

2.5. Хотын хэмжээнд хийгдэж буй бүтээн байгуулалтын ажлыг эрчимжүүлэх, хөрөнгө санхүүгийн асуудлыг тодотголоор оруулж шийдүүлэх

2.6. Аймаг сурталчилах ажлыг үр дүнтэй зохион байгуулах, зарцуулагдах хөрөнгийн тооцоог судалгааг гаргаж танилцуулах, наадмын талбайн тохижилтийг сайжруулах, төсөв хөрөнгийг аймгийн Иргэдийн Төлөөлөгчдийн Хуралаар батлуулах ажлыг зохион байгуулахыг аймгийн Засаг даргын Тамгын газрын Нийгмийн хөгжлийн хэлтсийн дарга Д.Жаргалд

2.7. Аймгийн хэмжээнд хийгдэж байгаа бүтээн байгуулалт болон хөрөнгө оруулалтын ажлуудыг эрчимжүүлэх, мөн шаардлагатай хөрөнгийн асуудлыг шийдвэрлүүлэх, хуралаар оруулж батлуулах аймгийн Засаг даргын Тамгын газрын Хөгжлийн бодлогын хэлтсийн дарга Н.Дашням, холбогдох агентлаг, сумдын Засаг дарга нарт

2.8. Төсвийн тодотголоор оруулах саналаа 2010 оны 08 дугаар сарын 20-ны дотор ирүүлсэн байхыг нийт дарга, эрхлэгч нарт

2.9. Хэрлэн сумын Бунхан толгойд орос цэргүүдийн шарил байдаг эсэх талаар архивын баримтад тэмдэглэсэн эсэх, шарилыг нүүлгэн шилжүүлэх хууль эрх зүйн үндэслэл, тохижилт, сэргээн засварын ажлын талаар саналын төсөл танилцуулахыг аймгийн Засаг даргын Тамгын газрын Хууль зүйн хэлтсийн дарга Д.Мөнгөнцэцэг, Хэрлэн сумын Засаг дарга нарт тус тус даалгав гэжээ.

АЙМГИЙН ЗАСАГ ДАРГЫН ТАМГЫН ГАЗАР