Буриад ястан голлон аж төрдөг Дорнод аймгийн 4 суманд БНХАУ-ын ӨМӨЗО-ний Хөлөнбуйр хотын Эвэнк хошууны шинэхээн зүүн, баруун сумын “Алтан ундарга”, “Наян наваа” хамтлагийн уран бүтээлчид 06 сарын 06-11-ний өдрүүдэд урлагийн тоглолтоо хүргэлээ. Тус хоёр хамтлагийн 18 гишүүд 40-60 насныхан бөгөөд малчин, оёдолчин зэрэг жирийн ардын авьяастнууд юм. Тэдний энэхүү тоглолтыг манай аймгийн соёлын ахмад ажилтан МУСТА, Буриад улсын Соёлын гавьяат зүтгэлтэн Д.Сэндэр санаачлан зохион байгуулжээ. Буриад ястны зан заншлыг түгээн дэлгэрүүлэх эрхэм үйлсэд зүтгэж буй эдгээр авьяастнуудад Монголын соёлын ажилтны “соёлын алдар” медаль, аймгийн Засаг даргын дэргэдэх Боловсрол, соёл урлагийн газрын “талархал”-ыг гардуулан амжилт хүслээ. Цаашид энэхүү арга хэмжээг уламжлал болгон зохион байгуулах юм.

IMG_0335

Leave a Reply

Your email address will not be published. Required fields are marked *