Category Archives: Фото, Видео мэдээлэл

IMG_0603

Гурван улсын “Хэрлэн экспо-2017″ үзэсгэлэн нээлтээ хийлээ

Дорнод аймагт Худалдаа Аж үйлдвэрийн танхим үүсэн байгуулагдсаны 10-н жилийн ойн баярын хүрээнд зохион байгуулагдаж байгаа Бүс нутгийн “Хэрлэн Экспо-2017” үзэсгэлэн худалдааны нээлтийн ажиллагаа 2017 оны 10 дугаар сарын 20-ны өдөр “Хэрлэн Номин бизнес төв”-д нээлтээ хийлээ. Нээлтийн үйл ажиллагаанд аймгийн Засаг дарга М.Бадамсүрэн, МҮХАҮТ-ын дарга Оюунчимэг, Дорнод ХАҮТ-ийн дарга Э.Адъяа болон хөрш зэргэлдээ БНХАУ-ын ӨМӨЗО-ны Хөлөнбуйр аймгийн төлөөлөгчид оролцож мэндчилгээ дэвшүүллээ. Үзэсгэлэн яармагт оролцогчдийн тоо жилээс жилд өсөн нэмэгдэж, байгаа бөгөөд энэ удаагийн үзэсгэлэн худалдаанд БНХАУ-ын Хөлөнбуйр аймаг, Хянган, Шилийн гол болон Улаанбаатар хот, Хэнтий, Сүхбаатар аймаг мөн Дорнод аймгийн брэнд бүтээгдэхүүн үйлдвэрлэгч ААНБ, бизнес эрхлэгч нийт 60 гаруй байгууллага, аж ахуй нэгж  оролцож байгаа юм. Үзэсгэлэн худалдаа 2017 оны 10 дугаар сарын 20-22-ныг хүртэл гурав хоногийн хугацаанд зохион байгуулагдана.

IMG_0571   МҮХАҮТ-ын Дорнод аймаг дахь салбар танхим нь орон нутгийн болон улс орны эдийн засгийн хөгжилд тус дэмжлэг үзүүлэх, бизнесийн үйл ажиллагаа эрхлэх таатай нөхцөл бүрдүүлэх, бүс нутаг хоорондын бизнес эдийн засаг худалдааны хамтын ажиллагааг өргөжүүлэн, аж ахуйн нэгж байгууллагуудаас гадаад, дотоодын байгууллагуудтай худалдаа эдийн засаг, шинжлэх ухаан, техникийн хамтын ажиллагааг бүх талаар хөгжүүлэх, өөрийн орны бараа бүтээгдэхүүнийг экспортод гаргахад дэмжлэг үзүүлэх зорилтыг орон нутагт хэрэгжүүлсээр 10 жилийн хугацааг үджээ.

IMG_0561 IMG_0563 IMG_0566 IMG_0569 IMG_0587 IMG_0575 IMG_0573

IMG_0474

Монголын Үйлдвэрчний эвлэлийн 100 жилийн ой тохиов

Монгол Улсад Үйлдвэрчний эвлэлийн хөдөлгөөн үүсч хөгжсөний 100 жилийн ойг Дорнод аймгийн үйлдвэрчний эвлэлийн хороо 10 дугаар сарын 19-ны өдөр тэмдэглэн өнгөрүүллээ. 1917 онд одоогийн Сэлэнгэ аймгийн Ерөөгийн алтны уурхайд ажиллаж байсан Орос, Монгол ажилчид хөдөлмөрлөх эрхээ хамгаалахаар тэмцсэнээр Монгол Улсад ҮЭ-ийн хөдөлгөөн үүсэх суурийг тавьсан түүхтэй. Өдгөө 100 жилийнхээ босгыг давж буй МҮЭ-ийн байгууллага 450 мянга орчим гишүүн, дэмжигчидтэйгээр үйл ажиллагаагаа явуулж байна.
Му-ын Засгийн газар, АОЭНХ-той МҮЭ-ийн холбоо нь хоёр жил тутам хөдөлмөр нийгмийн зөвшлийн гурван талт улсын хэлэлцээр байгуулдаг бөгөөд гэрээний биелэлтийг Засгийн газраас удаа дараа шахаж шаардаж хөдөлмөрчдийн дуу хоолойг төр засагт хүргэсээр ирсэн билээ. Аймгийн ҮЭ-ийн хороо 100 жилийн ойн баярын хурлын үйл ажиллагаагаа хөгжимт драмын театрт зохион байгууллаа. Баярын хурлын үйл ажиллагаанд аймгийн ИТХ-ын дарга Л.Хишигтогтох, аймгийн Засаг даргын орлогч Ш.Ёл, Хэрлэн сумын Засаг даргын орлогч Д.Пүрэв-Очир болон албаны төлөөлөгчид оролцож мэндчилгээ дэвшүүлсэн бөгөөд, энэ үеэр “Үйлдвэрчний эвлэл 100 жил” үзэсгэлэнг дэлгэн тавьсан бөгөөд МҮЭ-ийн холбооны нэрэмжит шагналаар нэр бүхий хүмүүсийг шагнаж урамшуулж, баярын хурлын үйл ажиллагаа хүндэтгэлийн тоглолтоор үргэлжилсэн юм.

IMG_0467 IMG_0471 IMG_0490 IMG_0493 IMG_0507 IMG_0503 IMG_0515

Picture1

“Ахуйн үйлчилгээ-2017” сарын аян үргэлжилж байна

Монгол  улсын Засгийн газрын тогтоолоор батлагдсан  “Ахуйн үйлчилгээний салбарыг хөгжүүлэх хөтөлбөр”-ийг хэрэгжүүлэх, ахуйн үйлчилгээний салбарын тулгамдаж буй асуудлыг шийдвэрлэх, ажиллагсдын мэргэжил, ур чадварыг дээшлүүлэх, хамтын ажиллагааг сайжруулж, үйлчилгээний чанар, өрсөлдөх чадварыг нэмэгдүүлэх зорилготой “Ахуйн үйлчилгээ-2017” сарын аян 2017 оны  10 дугаар сарын 10-аас эхлэн нэг сарын хугацаанд зохион байгуулагдаж байна. Зохион байгуулагчаар аймгийн ЗДТГ, Хөдөлмөр,  халамжийн үйлчилгээний  газар, Стандартчилал хэмжил зүйн хэлтэс, Политехник коллеж, МСҮТ, Ахуйн үйлчилгээний мэргэжлийн холбоод хамтран ажиллаж байгаа юм. Тус аяны хүрээнд аймгийн хэмжээнд ахуйн үйлчилгээний чиглэлээр үйл ажиллагаа явуулж буй аж ахуйн нэгж, иргэд, тэдгээрийн төлөөлөл болсон мэргэжлийн холбоод хамрагдаж байна. Аяны хүрээнд олон ажлыг зохион байгуулах бөгөөд ахуйн үйлчилгээ эрхлэгчдэд  үйлчилгээний орчин үеийн чиг хандлага,  хөдөлмөрийн аюулгүй байдал, эрүүл ахуй, үйлчилгээний соёл, маркетинг,  бизнесээ хөгжүүлэх сургалт, оёдолчны мэргэжил эзэмшүүлэх сургалтад 15 иргэнийг хамруулж ажлын байранд зуучлах, спортын уралдаан тэмцээн уралдаан, ахуйн үйлчилгээний мэргэжлийн холбоод, байгууллагуудаас  ЯВУУЛЫН ҮЙЛЧИЛГЭЭ-ний баг Баян-Уул, Цагаан-Овоо, Сэргэлэн, Чойбалсан   сумдад ажиллах, ахуйн үйлчилгээний цэг салбаруудад стандарт, норм норматив, дотоод хяналтыг сайжруулах талаар зөвлөн туслах үйлчилгээ үзүүлэх, 2017 оны 10 дугаар сарын 29-ний өдөр “Ахуйн үйлчилгээ-2017” SALE 29%  хямдрал зэрэг ажлууд хийгдэх юм.

22359320_1490111881037014_1690624038_n

Хурд сааруулагчийн тэмдэглэгээг зориулалтын будгаар сэргээж байна

Манай аймгийн төвд 19 байршилд автозамын хурд сааруулагч байдаг.

“Чойбалсан хөгжил” ОНӨААТҮГ аймгийн Орон нутгийн сангийн санхүүжилтээр термопластик будгийн машинтай болсоноор автозамын хурд сааруулагчийн тэмдэглэгээг зориулалтын будгаар сэргээх ажлыг хийж байна.

Термопластик будаг нь нунтаг төлвөөс өндөр градуст халж, шингэн төлөвт шилжин, маш түргэн хугацаанд хатдаг бөгөөд тогтоц нь гурван жил хүртэлх хэдий ч замын ачааллаас шалтгаалан элэгддэг аж.

Энэ талаар “Чойбалсан хөгжил” ОНӨААТҮГ-ын дарга Ц.Сүхбаатараас тодруулахад: “Термопластик будаг нь хуурай нунтаг бөгөөд зориулалтын төхөөрөмжид 200 гардуст халж, шингэн төлөвт шилждэг, тогтоц удаан, замын тэмдэглэгээний зориулалтын будаг. Дорнод аймагт замын тэмдэг, тэмдэглэгээ хийдэг компани байдаггүй учир заавал тендер зарлаж засвар, сэргээлтийн ажлыг хийх шаардлагатай болдог байсан. Орон нутгаас энэхүү төхөөрөмжийг шийдвэрлэж өгсөнөөр  одоо манай компани өөрсдөө хийх бүрэн боломжтой болж байна” гэв.

Хэдий тэмдэглээг зориулалтын төхөөрөмж, будгаар сэргээж байгаа ч хурд сааруулагчууд элэгдэж, барзайн, зарим газраа хагарч эмтэрсэн зэрэг нь будаг нимгэн зузаан түрхэгдэх, зарим газраа барзайх зэрэг шалтгаан болж, ажилд багагүй цаг зарцуулж байгаа ажээ.

 

IMG_0341

“Нэг голын хүүхдүүд” төслийг боловсролын салбар дэмжиж байна

Аймгийн Боловсрол, соёл урлагийн газраас 2017 оны 10 сарын 03-ны өдөр Найрамдал паркийн талбайд “Нэг голын хүүхдүүд” төслийн үйл ажиллагааг дэмжин Дэлхийн багш нарын 21 дэх өдөр, Монголын багш нарын 51 дэх тэмдэглэлт өдрийг угтсан “Багш эрдэнэ” багц арга хэмжээний хүрээнд “Хэрлэн голын хүүхдүүд” бүтээлч ажлыг санаачлан зохион байгууллаа.  Арга хэмжээнд аймгийн Засаг дарга М.Бадамсүрэн,  Засаг даргын орлогч Ш.Ёл, Боловсрол, соёл урлагийн газрын дарга А.Нансалмаа, болон 10 сургуулийн 100 гаруй суралцагч, эко клубын багш нар, холбогдох мэргэжилтнүүд оролцсон юм.  Нэг голын хүүхдүүд төслийн үйл ажиллагааг дэмжиж, байгал, эх дэлхий, хүрээлэн буй орчноо хайрлан хамгаалах үйлсэд нэгдэхийг уриалах, байгаль орчин, экологийн талаарх ойлголт, хандлагыг өөрчлөхөд хүүхдийн оролцоог нэмэгдүүлэх зорилгоор зохион байгуулагдсан гар зургийн уралдаанд мэдлэг, авьяас чадвараараа шалгарсан сурагчдад шагнал гардуулан өглөө. Мөн энэ үеэр сурагчид анги хамт олноороо Хэрлэн голын эрэг “Найрамдал” паркад байгаль орчин, хог хаягдлын хуулийн зүйл заалт бүхий анхааруулах самбарыг байршуулсан юм.

IMG_0312 IMG_0313 IMG_0321 IMG_0341

Mn_flag_dornod_aimag_2001.svg

Ахмадын зөвлөх баг байгуулав

Олон улсын Ахмадын баярын босгон дээр Төр захиргаа, эдийн засаг санхүү, нийгэм, соёл, спорт, эрүүл мэнд, боловсрол, бүтээн байгуулалт, инженерийн салбарын ахмадуудаас бүрдсэн аймгийн Засаг даргад зөвлөх багийг байгууллаа.
Монгол Улсын хууль тогтоомж, төрийн бодлого шийдвэр, Дорнод аймгийн 2016-2025 оны хөгжлийн хэтийн зорилт, хөтөлбөр, төслийг хэрэгжүүлэх ажилд зөвлөн туслах дээрх “Ахмадын зөвлөх баг” нь есөн хүний бүрэлдэхүүнтэй.
Багийн ахлагчаар төр захиргааны ахмад ажилтан Б.Өлзийбаян, гишүүдэд МУ-ын Гавьяат эдийн засагч, аймгийн ИТХ-ын төлөөлөгч Л.Түвдэнням, МУ-ын Эрүүлийг хамгаалахын гавьяат ажилтан, Нийгмийн эрүүл мэндийн мастер, тэргүүлэх зэргийн эмч, “Нью-Эндорфин” ХХК-ийн захирал С.Вандансүрэн, МУ-ын Соёлын Гавьяат зүтгэлтэн, МҮОНР-ийн орон нутаг дахь сурвалжлагч Л.Хэрээ, Төр захиргааны ахмад ажилтан С.Чойжилсүрэн, “ДБЭХС” ТӨХК-ийн ахмад ажилтан П.Цэрмаа, Улаанаатар төмөр замын Баянтүмэн тасгийн ахмад ажилтан Ш.Моонон, Инженер, зохион бүтээгчдийн нэгдсэн холбоо” ТББ-ын тэргүүн Д.Сүхбаатар, Дорнод аймгийн ахмад багш нарын холбоо”-ны тэргүүн Л.Нарандаваа нар ажиллах юм.

IMG_0035

Ахмадуудаа хүлээн авч, хүндэтгэл үзүүлэв

Олон улсын Ахмадын баярыг тохиолдуулан аймгийн Засаг даргын Тамгын газар үе үеийн ахмадуудаа хүлээн авч хүндэтгэл үзүүллээ.
Аймгийн Засаг даргын орлогч Ш.Ёл ахмадууддаа мэндчилгээ дэвшүүлж, төр засаг, аймаг орон нутгаас ахмад настнууддаа зориулан хийж, хэрэгжүүлж байгаа ажлын талаар товч, танилцууллаа. Төрийн захиргааны байгууллагаас гавьяаныхаа амралтад гарсан ахмад буурлуудаасаа сонсох, суралцах зүйлс хойч үеийнхэнд их бийг мөн үеэр онцлов.

bf1c802673cbc0f14ef5fc3f8d73a20c

Сүрьеэгийн тасгийн ажилтнуудад 30 хувийн нэмэгдэл олгоно

Засгийн газрын 2017 оны 09 дүгээр сарын 20-ны өдрийн хуралдаанаар Сүрьеэгийн тасгийн ажилтнуудад 30 хувийн нэмэгдэл олгох тухай асуудлыг хэлэлцэн шийдвэрлэв.

Засгийн газрын 2012 оны “Эрүүл мэндийн ажилтанд нэмэгдэл, мөнгөн урамшил олгох журам батлах тухай” 150 дугаар тогтоолын хавсралтад нэмэлт орууллаа. Ингэснээр эрүүл мэндийн байгууллагын Сүрьеэгийн тасагт ажиллаж байгаа ажилтнуудад үндсэн цалингийн 30 хувьтай тэнцэх нэмэгдлийг тухайн албан тушаал хашиж байх хугацаанд нь сар бүр олгохоор болж байна. Нэмэгдлийг энэ сарын нэгний өдрөөс эхлэн төсвийн багцдаа багтаан олгохыг холбогдох сайдын үүрэг гүйцэтгэгч нарт даалгав.

Улсын хэмжээнд 105 их эмч сүрьеэгийн тусламж, үйлчилгээ үзүүлж байгаа нь байвал зохих орон тооноос 61-ээр дутуу гэсэн үг юм. Сүрьеэгийн салбарт ажиллагсад халдвар авах өндөр эрсдэлтэй нөхцөлд байдаг бөгөөд өвчлөх, нас барах тохиолдол бусад мэргэжлийн эмч, мэргэжилтнүүдтэй харьцуулахад их байгаа нь судалгаагаар тогтоогджээ.

Казахстан, Киргизстан зэрэг улс сүрьеэгийн эмч, мэргэжилтнүүддээ ижил түвшний эмч нарынхтай харьцуулахад 190, олон эмэнд тэсвэртэй сүрьеэгийн эмч нартаа 220 хувиар илүү цалин өгч сүрьеэгийн тархалтыг бууруулж амжилт олжээ.