Category Archives: Гадаад харилцааны мэдээлэл

emegte

Монгол, Орос, Хятад гурван улсын эмэгтэйчүүд чуулав

Олон улсын Эмэгтэйчүүдийн эрхийг хамгаалах өдрийн 106 жилийн ой, Монгол, Орос, Хятад гурван улсын эмэгтэйчүүдийн харилцан ойлголцлыг нэмэгдүүлэх, бие биенийхээ соёлыг харилцан сурталчлах, эмэгтэйчүүдийн байгууллага хоорондын хамтын ажиллагааг хөгжүүлэх зорилгоор 2016 оны 03 дугаар сарын 04-07-ны өдөр Манжуур хотноо зохион байгуулсан арга хэмжээнд Дорнод аймгийн эмэгтэйчүүдийн төлөөлөл оролцжээ.

Манжуур хотын Намын хороо, Ардын засгийн ордон энэхүү арга хэмжээг жил бүр уламжлал болгон зохион байгуулж, манай аймгийн төлөөлөгчдийг урьж оролцуулдаг билээ.

Арга хэмжээний үеэр Манжуур хотын удирдлага манай төлөөлөгчдийг хүлээн авч уулзаж, баярт оролцож байгаа нийт төлөөлөгчдөд баяр хүргэж, мэндчилгээ дэвшүүлэв.

Түүнчлэн Дорнод аймаг, Өвөрбайгалийн хязгаар, Манжуур хотын төлөөлөгчид хамтдаа Жалай нуурын бүс дэх Хүүхдийн шинжлэх ухаан, технологийн ордон, Манжуур хотын номын сангийн үйл ажиллагаатай танилцаж, туршлага судлав.

emm

Гурван улсын хил дамнасан эдийн засгийн хамтын ажиллагааны бүс байгуулах тухай тусгай хуралдаан болжээ

Дорнод аймгийн Засаг даргын Тамгын газрын дарга Х.Энх-Отгон тэргүүтэй албаны төлөөлөгчид 2016 оны 03 дугаар сарын 03-04-ний өдөр БНХАУ-ын ӨМӨЗО-ны Манжуур хотноо зохиогдсон “Монгол, Орос, Хятад /Манжуур/-ын Хил дамнасан эдийн засгийн хамтын ажиллагааны бүс байгуулах тухай тусгай хуралдаан”-нд оролцов.

Монгол, Орос, Хятад гурван улсын Төрийн тэргүүн нарын 2 дахь удаагийн уулзалтаар гурван тал эдийн засгийн корридор байгуулах талаар санал нэгдсэн билээ. Энэхүү Эдийн засгийн корридор байгуулах санаачилгын хүрээнд БНХАУ-ын ӨМӨЗО-ны Манжуур хотын Ардын Засгийн ордноос Дорнод аймаг, ОХУ-ын Өвөрбайгалийн хязгаар, БНХАУ-ын Манжуур хотын хамтарсан гурван талын Хил дамнасан эдийн засгийн хамтын ажиллагааны бүс байгуулах санаачилга гаргаж, энэхүү тусгай хуралдааныг зохион байгуулсан.

Хуралдаанд Дорнод аймаг, Өвөрбайгалийн хязгаар, Манжуур хотын удирдлагууд харилцан мэдээлэл хийж, хамтын ажиллагааны бүс байгуулах ажлыг эрчимжүүлж, ойрын хугацаанд өөр өөрийн улсын холбогдох дээд байгууллагадаа уламжилж, заавар, чиглэл авахаар тохиролцлоо.

Энэхүү тусгай хуралдааны үеэр ОХУ-ын Өвөрбайгалийн хязгаар, БНХАУ-ын ӨМӨЗО-ны Манжуур хотын ажлын хэсгийн 27-р хурал болж, тус хуралд манай төлөөлөгчид ажиглагчаар оролцож, Орос, Хятадын уулзалтын энэхүү механизмыг судалж, туршлага солилцлоо.

аялал

Аялал жуулчлалын нэгдсэн хэлэлцүүлэг болно

Дорнод аймагт “Хөрш зэргэлдээ гурван улсын аялал жуулчлалын өдөрлөг” арга хэмжээг уламжлал болгон зохион байгуулдаг. Энэ жил “Дорнод бүсийн түншлэл- 2013” нэрийн дор Монгол туургатны үндэсний хувцасны загварын үзүүлбэр, үзэсгэлэн худалдаа, бизнес форумыг тус тус зохион байгуулахаар төлөвлөн ажиллаж байгаа юм.

Тус  “Дорнод бүсийн түншлэл – 2013” арга хэмжээг зохион байгуулах ажлын хүрээнд аймгийн аялал жуулчлалыг тогтвортой хөгжүүлэх, бизнес эрхлэгчид болон иргэдийн хамтын ажиллагааг дэмжих зорилгоор “Дорнод аймгийн аялал жуулчлалын нэгдсэн хэлэлцүүлэг” –ийг аймгийн ИТХ-ын ивээл дор аймгийн ЗДТГ, Гадаад харилцааны алба, Дорнод ХАҮТ, Соёл, спорт аялал жуулчлалын газар, Дорнод дээд сургууль хамтран 2013 оны 06 дугаар сарын 15-ны өдөр 10 цагт Дорнод дээд сургуулийн лекцийн танхимд зохион байгуулах гэж байна.

Уг хэлэлцүүлэгээр Дорнод аймгийн аялал жуулчлалын тулгамдсан асуудлуудын талаар ярилцаж, аймгийн аялал жуулчлалын төлөвлөлтийг тодорхой болгох, бизнес эрхлэгчдийн уялдаа холбоог сайжруулах, аялал жуулчлалын дэд хөтөлбөрийн хэрэгжилтийн явц, зөвлөмжийн биелэлт зэргийг төр засгийн байгууллага, хувийн хэвшлийн оролцоотойгоор шүүн хэлэлцэж цаашид хэрэгжүүлэх арга замыг тодорхойлох юм байна.

ith.mn

Ялалтын баярын мэндчилгээ дэвшүүлжээ

or1

 

or2